ფორმულა 1-ში ლას ვეგასის გრან პრი გაიმართა, რომელიც საკმაოდ ხმაურიანი აღმოჩნდა.
კვალიფიკაციაზე პოულ პოზიცია ლანდო ნორისმა მოიპოვა, თუმცა მაკლარენის პილოტმა რბოლის სტარტზე, პირველ მოსახვევში პოზიციის შენარჩუნება ვერ შეძლო და მას მაქს ვერსტაპენმა და ჯორჯ რასელმა გადაასწრეს.
ნიდერლანდელმა ლიდერობის შენარჩუნება რბოლის ბოლომდე შეძლო და გამარჯვება მოიპოვა, ლანდო ნორისმა კი მეორე ადგილი დაიკავა.
მე-4 ადგილზე გავიდა ჩემპიონობისთვის მებრძოლი კიდევ ერთი პილოტი, ოსკარ პიასტრი, თუმცა მაკლარენებისთვის რბოლის შემდეგ მოვლენები ცუდად განვითარდა.
ნორისისა და პიასტრის ბოლიდებზე გამოძიებამ ტექნიკური რეგულაციების დარღვევა გამოავლინა და ორივე მათგანი დისვკალიფიკაციით დასაჯა.
მაკლარენის მრბოლელების დისკვალიფიკაციების გათვალისწინებით, ლას ვეგასის გრან პრიზე ქულები ასე განაწილდა.
1. მაქს ვერსტაპენი (რედ ბული) - 25 ქულა
2. ჯორჯ რასელი (მერსედესი) - 18 ქულა
3. კიმი ანტონელი (მერსედესი) - 15 ქულა
4. შარლ ლეკლერი (ფერარი) - 12 ქულა
5. კარლოს საინსი (უილიამსი) - 10 ქულა
6. ისაკ ჰაჯარი (რეისინგ ბულსი) - 8 ქულა
7. ნიკო ჰულკენბერგი (ზაუბერი) - 6 ქულა
8. ლუის ჰამილტონი (ფერარი) - 4 ქულა
9. ესტებან ოკონი (ჰაასი) - 2 ქულა
10. ოლი ბერმანი (ჰაასი) - 1 ქულა
საჩემპიონო დავაში კი ვითარება კიდევ უფრო დაიძაბა, ნორისის უპირატესობა მდევრებთან 24 ქულამდე შემცირდა.
1. ლანდო ნორისი - 390 ქულა
2. ოსკარ პიასტრი - 366 ქულა
3. მაქს ვერსტაპენი - 366 ქულა
2025 წლის სეზონის დასრულებამდე ერთი სპრინტი (კატარი) და ორი რბოლაა (კატარი, აბუ დაბი) დარჩენილი, სულ კი 58 ქულაა გასათამაშებელი.
კატარის გრან პრი 28-30 ნოემბერს გაიმართება.
