ფაბრიციო რომანომ მადრიდის რეალის მწვრთნელის ძიების პროცესზე ახალი ინფორმაცია გამოაქვეყნა.
იტალიელი ინსაიდერის თქმით, ამ ეტაპზე კლუბში ყველაზე აქტიურად ოთხი მწვრთნელი განიხილება:
იურგენ კლოპი: გერმანელს კლუბში ბევრი გულშემატკივარი ჰყავს, თუმცა სიტუაცია რთულია. სანამ რეალი ოფიციალურ ნაბიჯს გადადგამს, კლოპმა საჯაროდ უნდა განაცხადოს, რომ სამწვრთნელო საქმიანობას უბრუნდება და დასვენების რეჟიმი დაასრულა.
მაურისიო პოჩეტინო: კლუბის ხელმძღვანელობის გარკვეული ნაწილი აფასებს მის გამოცდილებას „ვარსკვლავურ“ მოთამაშეებთან მუშაობის კუთხით. მისი კანდიდატურა განიხილება, როგორც სტაბილური ვარიანტი.
დიდიე დეშამი: მიუხედავად მისი ავტორიტეტისა, ამ ეტაპზე მადრიდულ მხარესა და ფრანგ სპეციალისტს შორის არანაირი კონტაქტი არ ყოფილა.
ჟოზე მოურინიო: „განსაკუთრებულს“ მადრიდში დაბრუნება ძალიან სურს. მისი ენთუზიაზმი დიდია, თუმცა გადაწყვეტილება ახლა მხოლოდ ფლორენტინო პერესზეა.
აქვე აღსანიშნავია, რომ პოჩეტინოს და დეშამის მდგომარეობას მათი მოქმედი სამუშაო ადგილი აფერხებს - ორივე მათგანი მსოფლიო ჩემპიონატის დასრულებამდე დაკავებულია.
რაც შეეხება მოურინიოს, მას 10 ივნისამდე აქვს ვადა, ბენფიკასთან კონტრაქტი უფასოდ გაწყვიტოს და კლუბი თავისი ნებით დატოვოს. ამიტომ, რეალს მხოლოდ მასთან პირადი კონტრაქტის შეთანხმება დასჭირდება საიმისოდ, რომ პორტუგალიელი სანტიაგო ბერნაბეუზე 13-წლიანი პაუზის შემდეგ დაბრუნდეს.
