ეროვნული ლიგის ლიდერმა და მოქმედბა ჩემპიონმა, იბერია 1999-მა გუშინდელ გასვლით შეხვედრაში ფრედ, 2:2 ითამაშა.
მატჩის დასრულების შემდეგ, პოპულარულმა სპორტულმა პლატფორმა Sofascore-მა ფეხბურთელების სტატისტიკა და შეფასებები გამოაქვეყნა, სადაც იბერიას საერთო გუნდური რეიტინგი 7.04-ს შეადგენს.
პლატფორმის მონაცემებით, გუნდის რიგებში საუკეთესო რეიტინგი ნიკა სიხარულაშვილმა დაიმსახურა - 8.4 ქულა. აღსანიშნავია, რომ სწორედ მან მოახერხა 37-ე წუთზე გოლის გატანა.
გარდა ამისა, Sofascore-ზე მაღალი შეფასებები მიიღეს დაცვისა და ნახევარდაცვის წარმომადგენლებმაც: ტიბუემ (7.5), ქარდავამ (7.4) და დადიანმა (7.3).
ცალკე აღნიშვნის ღირსია ამირან ძაგანიას (7.2) პერფორმანსი. მიუხედავად იმისა, რომ მას გუნდში ყველაზე მაღალი სარეიტინგო ქულა არ ჰქონია, საგოლე გადაცემის ავტორმა Sofascore-ზე მიმდინარე გულშემატკივართა გამოკითხვაში ხმათა 57% მიიღო და მატჩის საუკეთესო მოთამაშედ დამაჯერებლად დასახელდა.
რაც შეეხება სატურნირო მდგომარეობას, მოპოვებული ქულის შემდეგ იბერია 1999 ეროვნულ ლიგას 60 ქულით ერთპიროვნულად ლიდერობს და საჩემპიონო რბოლაში პოზიციებს ინარჩუნებს.
Sofascore-ის მიხედვით ძაგანია მატჩის საუკეთესო მოთამაშედ დასახელდა