ბრძოლაში, რომელსაც კრივის სამყარო დიდხანს ელოდა, ტერენს კროუფორდმა კანელო ალვარესს სძლია და კვლავ დაუმარცხებელია.
კროუფორდი ისტორიაში შევიდა. ის გახდა ოთხქამრიან ეპოქაში პირველი მოკრივე, რომელიც ერთდროულად სამი წონის კატეგორიაში დაეუფლა უდავო ჩემპიონობის სტატუსს. მან სუპერ-საშუალო წონის ჩემპიონი კანელო ალვარესი მსაჯთა ერთსულოვანი გადაწყვეტილებით დაამარცხა.
კროუფორდი უკვე იყო პირველი მოკრივე, რომელმაც ორი წონის კატეგორიაში შეძლო უდავო ჩემპიონობა - მიღწევა, რომელიც მოგვიანებით მხოლოდ ნაოია ინოუმ და ოლექსანდრ უსიკმა გაიმეორეს. ახლა კი კროუფორდმა კიდევ ერთხელ დაწერა ისტორია.
37 წლის ტერენს კროუფორდს კარიერაში ჩატარებული 42 ბრძოლიდან ყველა მოგებული აქვს, მათ შორის 31 ნოკაუტით.
