The Athletic-ის ინფორმაციით, სანდრო ტონალი მისმა აგენტმა არსენალს შესთავაზა, თუმცა ნიუკასლ იუნაიტედთან არანაირი მოლაპარაკება არ გამართულა და სატრანსფერო ფანჯრის დახურვამდე არაფერი მოხდება.
წყაროს ცნობით, იტალიელი ნახევარმცველის წარმომადგენელი არსენალის სპორტულ დირექტორს 25 წლის ფეხბურთელთან დაკავშირებით დაუკავშირდა, რომელსაც არსენალი დიდი ხანია აფასებს და აკვირდება.
მიკელ არტეტამ განაცხადა, რომ არსენალი „აქტიურად ეძებს“ ვარიანტებს მიკელ მერინოს ფეხის ტრავმის შემდეგ, რომელიც ესპანელ ფეხბურთელს მოედანს დიდი ხნით ჩამოაშორებს.
„ვმუშაობთ ამაზე. საქმე იმაშია, რომ სწორი გადაწყვეტილება უნდა მივიღოთ, რადგან თუ ვინმეს დავიმატებთ, გვინდა რეალურად გავაძლიეროთ გუნდი. თუ არა, მაშინ არაფერს გავაკეთებთ.“ - განაცხადა ესპანელმა სპეციალისტმა პრესკონფერენციაზე.
„არსენალთან არანაირი საუბარი არ გვქონია. ნიუკასლი იანვარში ტონალის გაშვებას არ აპირებდა. ამ თემაზე საერთოდ არ გვისაუბრია,“ - განუცხადა ტონალის აგენტმა Sky-ს გავრცელებული ინფორმაციის საპასუხოდ.
