თოფურია-ოლივეირას დამზღვევი მებრძოლი ცნობილია

UFC 317-ზე მსუბუქი დივიზიონის ქამრისთვის ერთმანეთს ილია თოფურია და ჩარლზ ოლივეირა დაუპირისპირდებიან.

ცნობილი გახდა თუ ვინ დააზღვევს ბრძოლას, თუ რომელიმე მებრძოლი ღონისძიებას ჩაეხსნა.

არმან ცარუკიანმა სოციალურ ქსელში დაადასტურა, რომ თოფურიასა და ოლივეირას ბრძოლის დამზღვევი სწორედ ის იქნება.

ცარუკიანი მსუბუქი დივიზიონის ტიტულისთვის იანვარში, UFC 311-ზე ისლამ მახაჩევს უნდა დაპირისპირებოდა, თუმცა არმანი ბრძოლას ჩაეხსნა.

UFC 317 საერთაშორისო საბრძოლო კვირეულის ფარგლებში 29 ივნისს, ლას ვეგასში გაიმართება.