ტორპედომ საკვალიფიკაციო ეტაპის პირველ მატჩში მძიმე მარცხი განიცადა

უეფას კონფერენს ლიგის პირველი საკვალიფიკაციო ეტაპის პირველ მატჩში ქუთაისის ტორპედო აზერბაიჯანულ ზირას ესტუმრა.

აღსანიშნავია, რომ მასპინძელთა სასტარტო შემადგენლობაში ორი ქართველი მოთამაშე იყო - გიორგი პაპუნაშვილი და დავით ვოლკოვი.

შეხვედრაში ანგარიში 32-ე წუთზე რუან რენატომ გახსნა და ზირა დააწინაურა, საბოლოოდ აზერბაიჯანულმა გუნდმა პირველი ტაიმი 1-0 მოიგო.

მეორე ტაიმი სწრაფი გოლით გაიხსნა, 47-ე წუთზე თავი დავით ვოლკოვმა გამოიჩინა და ქართველმა სხვაობა ორამდე გაზარდა.

64-ე წუთზე მასპინძლებმა უპირატესობა კიდევ უფრო შთამბეჭდავი გახადეს და რუან რენატომ პენალტის საშუალებით დუბლი შეასრულა. საბოლოოდ ზირამ ტორპედო 3-0 დაამარცხა და მომდევნო ეტაპისკენ დიდი ნაბიჯი გადადგა.

გუნდებს შორის საპასუხო მატჩი 16 ივლისს, ქუთაისის რამაზ შენგელიას სახელობის სტადიონზე გაიმართება.

იბერიამ საკვალიფიკაციო ეტაპი გამარჯვებით დაიწყო