უეფამ ლონდონის ტოტენჰემს ფულადი ჯარიმა დააკისრა და გულშემატკივრებისთვის გასვლით მატჩებზე ბილეთების გაყიდვა აუკრძალა.
სანქციის მიზეზი 28 იანვარს, ფრანკფურტის აინტრახტთან გამართული ჩემპიონთა ლიგის მატჩისას მომხდარი ინციდენტი გახდა, როდესაც სამმა ინგლისელმა ქომაგმა გერმანელი ფანების მიმართ ნაცისტური ჟესტიკულაცია გამოიყენა. უეფამ კლუბი ჯამში 32,250 ევროთი დააჯარიმა, ხოლო ბილეთების გაყიდვის აკრძალვა ერთწლიანი გამოსაცდელი ვადით აამოქმედა.
ტოტენჰემმა მომხდარს ამაზრზენი უწოდა და მყისიერი რეაგირება მოახდინა. კლუბმა სამივე დამნაშავე პირი უკვე იდენტიფიცირებულია და მათ სტადიონზე შესვლა უვადოდ აეკრძალა. ლონდონური კლუბის განცხადებით, გულშემატკივრების ეს ქმედება არანაირად არ ასახავს გუნდისა და მისი ნამდვილი გულშემატკივრების ღირებულებებს.
აღსანიშნავია, რომ მსგავსი ინციდენტის გამო გამოძიება მადრიდის რეალმაც დაიწყო, სადაც ფანმა ნაცისტური მისალმება ბენფიკასთან შეხვედრისას გამოიყენა.
