ტოტენჰემი ადასტურებს, რომ გუნდის სპორტული დირექტორი ფაბიო პარატიჩი თებერვალში კლუბს დატოვებს და ფიორენტინას შეუერთდება.
ფაბიო სერია A-ს კლუბს ზამთრის სატრანსფერო ფანჯრის დასრულების შემდეგ შეუერთდება.
ტოტენჰემ ჰოტსპურის აღმასრულებელმა დირექტორმა, ვინაი ვენკატეშამმა, განაცხადა:
„ჩვენ შევთანხმდით, რომ მისი სურვილის შესაბამისად, სამშობლოში გადასვლის მიზნით, ფაბიო იანვრის სატრანსფერო ფანჯრის დასრულების შემდეგ იტალიაში დაბრუნდება. მადლობას ვუხდით ფაბიოს კლუბში შეტანილი წვლილისთვის და მომავალში წარმატებებს ვუსურვებთ.
ჩვენი მმართველი სტრუქტურა შექმნილია ისე, რომ იყოს მდგრადი საკადრო ცვლილებების მიმართ, და საქმიანობა ჩვეულ რეჟიმში გაგრძელდება.“
ფაბიომ დაამატა:
„მინდა მადლობა გადავუხადო ვინაისა და ტოტენჰემ ჰოტსპურის დირექტორთა საბჭოს იმისთვის, რომ გაითვალისწინეს ჩემი სურვილი იტალიაში დაბრუნებისა და ფიორენტინაში გადასვლის შესახებ.
მე ძალიან მიყვარდა ჩემი გატარებული დრო ამ კლუბში, თუმცა ეს შესაძლებლობა, ასევე ჩემი სამშობლოში ყოფნის აუცილებლობა, გახდა ამ გადაწყვეტილების მიღების მიზეზი.
„სპურსი“ არის კლუბი, რომელიც ძალიან ახლოსაა ჩემს გულთან. აქ მუშაობენ შესანიშნავი ადამიანები, რომლებიც ისეთივე მონდომებულნი არიან პროექტის მიმართ, როგორც მე და სურთ გრძელვადიანი წარმატების მიღწევა.
დარწმუნებული ვარ, ისინი ამას შეძლებენ და მე იტალიიდან დიდი ინტერესით დავაკვირდები მათ წარმატებებს.“
