დონალდ ტრამპთან დაკავშირებულმა სპეციალურმა წარმომადგენელმა განაცხადა, რომ მან აშშ-ის პრეზიდენტსა და მსოფლიო ფეხბურთის მმართველ ორგანიზაცია FIFA-ს სთხოვა, ირანის ნაცვლად იტალია დაეშვა ამ ზაფხულის მსოფლიო ჩემპიონატზე.
Financial Times-თან საუბრისას აშშ-ის სპეციალურმა წარმომადგენელმა პაოლო ძამპოლიმ თქვა, რომ ოთხგზის მსოფლიო ჩემპიონ იტალიას „საკმარისი ისტორია და ავტორიტეტი აქვს“, რათა ტურნირზე ირანი ჩაანაცვლოს. ჩემპიონატი 50 დღეზე ნაკლებ დროში დაიწყება აშშ-ში, კანადასა და მექსიკაში.
FT-ის ინფორმაციით, რომელიც საკითხთან ახლოს მყოფ წყაროებზე დაყრდნობით არის მომზადებული, ძამპოლის გეგმა წარმოადგენს მცდელობას, აღდგეს ურთიერთობა ტრამპსა და იტალიის პრემიერ-მინისტრ ჯორჯა მელონის შორის მას შემდეგ, რაც მათ შორის დაძაბულობა გაჩნდა აშშ-ის პრეზიდენტის მხრიდან პაპ ლეო XIV-ის კრიტიკის გამო, რომელიც ირანთან ომს უკავშირდებოდა, თუმცა ძამპოლიმ ასევე აღიარა, რომ მის მოთხოვნას პირადი მოტივიც ჰქონდა.
„ვადასტურებ, რომ ტრამპსა და [FIFA-ს პრეზიდენტ ჯანი] ინფანტინოს შევთავაზე, რომ მსოფლიო ჩემპიონატზე ირანი იტალიით ჩანაცვლდეს. მე იტალიაში დაბადებული ვარ და ჩემთვის ოცნება იქნებოდა, რომ ‘აძური’ ამერიკაში გამართულ ტურნირზე ვიხილო.
ოთხი ტიტულით მათ აქვთ საკმარისი ისტორია, რომ მონაწილეობა დაიმსახურონ,“ - უთხრა ძამპოლიმ Financial Times-ს.
