რეალ სოლტ ლეიკმა ატლანტა იუნაიტედიდან საბა ლობჟანიძე დაიმატა.
გარიგების ფარგლებში ატლანტა 2028 წლის MLS SuperDraft-ის მესამე რაუნდის არჩევანს მიიღებს, ხოლო RSL ატლანტას 625,000 დოლარს გადაუხდის.
გარდა ამისა, თუ ლობჟანიძე რეალ სოლტ ლეიკთან ახალ კონტრაქტს გააფორმებს, ატლანტა 2027 წელს დამატებით 100,000 დოლარს მიიღებს.
საბა ლობჟანიძე MLS-ში 2023 წლის აგვისტოში გადავიდა. ატლანტა იუნაიტედის შემადგენლობაში მან 93 მატჩში 15 გოლი გაიტანა და 21 საგოლე გადაცემა შეასრულა.
2026 წლის სეზონში კი მის ანგარიშზე 13 შეხვედრაში 2 გოლი და 1 ასისტია. ატლანტა ამჟამად აღმოსავლეთ კონფერენციაში მე-15 ადგილზე იმყოფება.
„საბას დამატება ჩვენს შემადგენლობას მრავალ პოზიციაზე მეტ სიღრმესა და ყოველდღიურ ვარჯიშებზე კონკურენციას შემატებს,“ - განაცხადა RSL-ის მთავარმა საფეხბურთო ოფიცერმა და სპორტულმა დირექტორმა კურტ შმიდმა.
მან ასევე აღნიშნა, რომ ლობჟანიძე კლუბს 2026 წლის სეზონის დარჩენილი ნაწილისთვის მნიშვნელოვნად შემცირებული საბიუჯეტო დატვირთვით უერთდება.
„ბოლო 3 წლის განმავლობაში MLS-ში თითქმის 100 მატჩის ჩატარების შემდეგ, ველით, რომ საბა ჩვენს სისტემას სწრაფად მოერგება.
ვფიქრობთ, ჩვენი სათამაშო სტილი მის შემტევ თვისებებს უკეთ წარმოაჩენს და წარმატების მიღწევის შესაძლებლობას მისცემს.
მოუთმენლად ველით მის სწრაფ ინტეგრაციას გუნდში, რადგან ვემზადებით ბარნლისთან ამხანაგური მატჩისთვის, Leagues Cup-ის შეხვედრებისთვის და MLS-ის რეგულარული სეზონის დარჩენილი 20 მატჩისთვის,“ - დასძინა შმიდმა.
