ჩაბი ალონსოს თქმით, ლივერპულთან მისმა გუნდმა ტოლსწორად ითამაშა.
ენფილდზე გამართული შეხვედრა მადრიდელებმა 0:1 დათმეს, მატჩის ერთადერთი გოლი მეორე ნახევარში ალექსის მაკ ალისტერმა გაიტანა.
„თანაბარი თამაში იყო, თუმცა მატჩის ბოლოსკენ ზედმეტად ბევრი კუთხური და ჯარიმა დავუშვით საკუთარ კართან.
პირველ ტაიმში გუნდი უკეთ თამაშობდა, მეორეში კი ბევრი არასაჭირო ჯარიმა აიკიდა. ინიციატივა დავკარგეთ და მეტოქის დაცვის ხაზამდე რთულად მივდიოდით.
წაგებებშიც არის განსხვავება, ეს მატჩი ატლეტიკოსთან მარცხისგან სრულიად განსხვავდებოდა. დღეს ხასიათი ვაჩვენეთ." - აღნიშნა ესპანელმა სპეციალისტმა.
