"წინ ჩემსავით ბევრი დრო გაქვს" - ჯოკოვიჩის მიმართვა ალკარასსა და ნადალს

ავსტრალიის ღია პირველობის ფინალში კარლოს ალკარასთან მარცხის შემდეგ, ნოვაკ ჯოკოვიჩი დაჯილდოების ცერემონიაზე ფინალისტის ტრადიციული სიტყვით გამოვიდა.

"რასაც ნოვაკი აკეთებს, მართლაც შთამაგონებელია" - ალკარასის საჩემპიონო სიტყვა

„უპირველეს ყოვლისა, რა თქმა უნდა, გილოცავ, კარლოს. საოცარი ტურნირი იყო… ვულოცავ შენს მწვრთნელს, შენს ოჯახს და შენს გუნდს… რასაც აკეთებდით, ამის აღწერისთვის საუკეთესო სიტყვებია - ისტორიული, ლეგენდარული… ასე რომ, გილოცავ. გისურვებ წარმატებებს კარიერის დარჩენილ ნაწილში. ძალიან ახალგაზრდა ხარ. წინ ჩემსავით ბევრი დრო გაქვს. დარწმუნებული ვარ, მომდევნო 10 წლის განმავლობაში ბევრჯერ შევხვდებით ერთმანეთს.

მინდა მადლობა გადავუხადო ჩემს გუნდს, პირველ რიგში იმისთვის, რომ მიტანდენ და იმისთვის, რომ მუდამ გვერდში მედგნენ. როგორც ყოველთვის, ყველაფერი მარტივად არ ყოფილა. მაგრამ თქვენ ხართ ჩემი საყრდენი ჩემს კუთხეში. თქვენ ნახეთ ჩემი ყველაზე ცუდი და საუკეთესო მხარეები ბოლო ვინ იცის რამდენი წლის განმავლობაში… განსაკუთრებით კი ბოლო სამი კვირის განმავლობაში. ეს წარმატება თქვენი წარმატებაცაა, რა თქმა უნდა.

მინდა მივმართო ლეგენდარულ რაფას, რომელიც ტრიბუნებზეა. ძალიან უცნაური შეგრძნებაა შენი მანდ ხილვა და არა აქ. უბრალოდ მინდა ვთქვა, რომ ჩემთვის დიდი პატივია შენთან ერთად კორტის გაზიარება და ისიც, რომ ფინალს აქედან ადევნებ თვალს… ჩემთვის ეს პირველი შემთხვევაა. რა თქმა უნდა, ცოტა უცნაური გრძნობაა, მაგრამ მადლობა, რომ აქ ხარ.

ძალიან ბევრი ესპანელი ლეგენდა იყო. ისეთი შეგრძნება მქონდა, თითქოს დღეს 2 ერთის წინააღმდეგ ვთამაშობდი. სამართლიანი არ იყო, მაგრამ კარგი.

„ღმერთმა იცის, რა მოხდება ხვალ, აღარაფერი რომ ვთქვათ 6 ან 12 თვეში. ეს შესანიშნავი მოგზაურობა იყო. მიყვარხართ, ხალხო.“ - განაცხადა ლეგენდარულმა სერბმა.

VIDEO: კარიერული გრანდ სლემი - ალკარასმა AO-ს ფინალში ჯოკოვიჩი დაამარცხა