წლის საუკეთესო კლუბის პრიზისთვის ექვსი ნომინანტი იბრძოლებს

28 ოქტომბერს, ოქროს ბურთის დაჯილდოვების ცერემონიაზე, ჟურნალი France Football სხვადასხვა პრიზებს დაარიგებს.

გამოვლინდება წლის საუკეთესო მეკარე, საუკეთესო ახალგაზრდა ფეხბურთელი, საუკეთესო მწვრთნელი და ასევე, საუკეთესო საფეხბურთო კლუბიც.

საუკეთესო კლუბის წოდებაზე ფრანგულმა გამოცემამ შემდეგი ნომინანტები დაასახელა:

ბორუსია დორტმუნდი, ჟირონა, ლევერკუზენი, რეალი, მან სიტი. 

დორტმუნდმა შარშან ყველასთვის მოულოდნელად ურთულესი გზა გაიარა და ლიგის ფინალამდე მივიდა, ლევერკუზენმა წაუგებლად მოიგო ისტორიაში პირველად ბუნდესლიგა და ევროპა ლიგის ფინალში ითამაშა, ჟირონამ ყველა გააოცა და ლა ლიგის ოთხეულში შევიდა, მან სიტიმ კვლავ მოიგო ინგლისის ჩემპიონატი, რეალმა კი ლა ლიგისა და ჩემპიონთა ლიგის დუბლი შეასრულა.