საქართველოს ეროვნული ნაკრები მსოფლიო ჩემპიონატის საკვალიფიკაციო ეტაპის მატჩებისთვის მზადებას 10 ნოემბერს დაიწყებს.
თავიანთ გუნდებში მიღებული ტრავმების გამო ესპანეთთან და ბულგარეთთან თამაშებში ნაკრებს გიორგი მიქაუტაძე და ოთარ კაკაბაძე ვერ დაეხმარებიან. მათ ნაცვლად ვილი სანიოლმა ნაკრებში გიორგი ქვილითაია და შოთა ნონიკაშვილი გამოიძახა. - ინფორმაციას ეროვნული ნაკრების გვერდი ავრცელებს.
მსოფლიო ჩემპიონატის შესარჩევი ეტაპის შეხვედრებს საქართველოს ნაკრები 15 ნოემბერს, დინამო არენაზე, ესპანეთთან და 18 ნოემბერს, სოფიაში, ბულგარეთის წინააღმდეგ გამართავს.
მეკარეები: გიორგი მამარდაშვილი (ლივერპული), ლუკა გუგეშაშვილი (პაოკი), დავით კერესელიძე (დილა გორი)
მცველები: გურამ კაშია (სლოვანი), ლუკა ლოჩოშვილი (ნიურნბერგი) გიორგი გოჩოლეიშვილი (ჰამბურგი), საბა გოგლიჩიძე (უდინეზე), ალექსანდრე ნარიმანიძე (ჟილინა)
ნახევარდაცვა: ოთარ კიტეიშვილი (შტურმი), გიორგი ქოჩორაშვილი (სპორტინგი), ანზორ მექვაბიშვილი (კრაიოვა), შოთა ნონიკაშვილი (ჩერკასი), ნიკა გაგნიძე (კოლოსი), ვლადიმერ მამუჩაშვილი (ტორპედო), გაბრიელ სიგუა (ლოზანა სპორტი), ნოდარ ლომინაძე (ეშტორილი)
თავდასხმა: გიორგი წიტაიშვილი (მეცი), ზურიკო დავითაშვილი (სენტ-ეტიენი), გიორგი აბუაშვილი (მეცი), იური ტაბატაძე (კადისი), ხვიჩა კვარაცხელია (პსჟ), ბუდუ ზივზივაძე (ჰაიდენჰაიმი), გიორგი კვერნაძე (ფროზინონე), გიორგი გულიაშვილი (სარაევო), გიორგი ქვილითაია (არის ლიმასოლი)
