იტალიელი ჟურნალისტების, სანდრო საბატინისა და ნიკოლო სკირას პოდკასტში გამართულ დიალოგს დიდი გამოხმაურება მოჰყვა.
საბატინის შეფასებით, ხვიჩა კვარაცხელია გასულ სეზონში ნაჩვენები შედეგებითა და პსჟ-სთან ერთად მოპოვებული ტიტულებით ოქროს ბურთს სრულად იმსახურებს, თუმცა ის შიშობს, რომ კომერციული ინტერესებისა და გეოგრაფიული ფაქტორის გამო ჯილდოს ლამინ იამალს გადასცემენ:
მუნდიალზე არ უთამაშია, იმიტომ კი არა, რომ მწვრთნელმა არ წაიყვანა ან ტრავმა ჰქონდა, უბრალოდ იმიტომ, რომ საქართველო მსოფლიოს ჩემპიონატზე ვერ თამაშობს. თუ მალტელი ფეხბურთელი ან ჩილელი, ასე ითამაშებს, ოქროს ბურთი არ უნდა მისცე? ეს ტერიტორიული დისკრიმინაციაა.
იტალიელი ჟურნალისტის თქმით, იმის გამო, რომ საქართველოს ნაკრებს მსოფლიო ჩემპიონატზე თამაშის შესაძლებლობა არ აქვს, კვარაცხელიასთვის ამ ნიშნით გამორჩევა და შეფასება ფაქტობრივად ტერიტორიული დისკრიმინაციაა.
ხვიჩამ გასულ სეზონში პარიზული გუნდის რიგებში ჩემპიონთა ლიგა, ლიგა 1 და სამი სუპერთასი მოიგო, ხოლო ჩემპიონთა ლიგის სეზონის საუკეთესო ფეხბურთელადაც დასახელდა.
