ერთა ლიგაზე, პუშკაშ არენაზე გამართულ მატჩში უნგრეთის ეროვნულმა ნაკრებმა საქართველოს გუნდი 1:0 დაამარცხა.
შეხვედრის დასრულების შემდეგ უნგრელთა მცველმა ატილა ფიოლამ M4 Sport-თან ინტერვიუში განაცხადა:
ძალიან მნიშვნელოვანი გამარჯვება იყო. ვიცოდით, რომ ბევრი რამ ერთი-ერთზე ორთაბრძოლების მოგებაზე იქნებოდა დამოკიდებული. ძალიან ვამაყობ გუნდით იმის გამო, თუ როგორ გავართვით თავი დავალებას. ამ სანაკრებო პაუზაზე ჩატარებული მატჩებიდან ეს ჩვენი საუკეთესო თამაში იყო. გვსურს, წინსვლა მომდევნო თამაშებშიც გავაგრძელოთ.
უნგრელი მცველის თქმით, მოედანზე მას უშუალოდ საქართველოს ნაკრების ლიდერის, ხვიჩა კვარაცხელიას წინააღმდეგ მოუწია ასპარეზობა. მან გაამხილა:
მოედანზე ძლიერი მეტოქის, ხვიჩა კვარაცხელიას წინააღმდეგ მომიხდა თამაში. მისი თამაში კარგად შევისწავლეთ და ვიცოდით, რა უნდა გაგვეკეთებინა. მიხარია, რომ მან ქართველების თამაშში დიდი წვლილი ვერ შეიტანა. კვარაცხელიას თამაშიდან გამოთიშვა გუნდური მუშაობით შევძელით. მასზე ორმაგი მეურვეობა გამოვიყენეთ და სივრცე არ მივეცით. საბედნიეროდ, ყველაფერმა კარგად ჩაიარა. ყველა, ვინც ითამაშა, ქებას იმსახურებს.
