"თუ ვინმეს რაიმე აქვს ჩემთვის სათქმელი, პირში მითხრას", - კურტუამ ნაკრებიდან წასულ მეკარეს უპასუხა

ტიბო კურტუამ ბელგიის ნაკრებში მისი დაბრუნების ფონზე, კოენ კასტელსის წასვლის გადაწყვეტილებაზე თავისი კომენტარი გააკეთა.

32 წლის ალ ქადისიას ფეხბურთელმა კურტუას დაბრუნებით უკმაყოფილება გამოთქვა და იქვე, სანაკრებო კარიერის დასრულების შესახებაც გამოაცხადა: „ტედესკო მართალი იყო. ჩემი აზრით, ნაკრების ყველა ფეხბურთელი თანაბარია, მაგრამ ტიბოს წითელი ხალიჩა დაუფინეს, რასაც ბევრი ფეხბურთელი არ ეთანხმება." 

"მეუცნაურება, რომ წითელი ხალიჩა დაუფინეს", - ბელგიის მეკარე ნაკრებიდან კურტუას დაბრუნების გამო წავიდა

„მესმის, რომ ის ნაკრების სასტარტოში ადგილის დაკარგვით უკმაყოფილოა და სრული უფლება აქვს, თავად მიიღოს გადაწყვეტილებები.

მან გარკვეული კრიტიკაც გამოთქვა, თუმცა არ მგონია, რომ მის მოსაზრებას ნაკრების სხვა ფეხბურთელებიც იზიარებდნენ. თუ ვინმეს რაიმე აქვს ჩემთვის სათქმელი, მირჩევნია, პირში მითხრან. მე ასე მომწონს მუშაობა." - აღნიშნა რეალის გოლკიპერმა.

კურტუამ 2023-ში იმდროინდელ მწვრთნელ დომენიკო ტედესკოსთან კონფლიქტის გამო ნაკრებში თამაშზე უარი თქვა, რის გამოც ევრო 2024-ც გამოტოვა, ხოლო გუნდის სათავეში რუდი გარსიას დანიშვნის შემდეგ, ნაკრებში დაბრუნდა.