მარკუს რაშფორდმა 2026 წლის მსოფლიო ჩემპიონატისთვის მზადება ნაადრევად, აშშ-ში დაიწყო.
ინგლისელი შემტევი ინტერ მაიამის ულტრათანამედროვე ბაზაზე ინდივიდუალურად ვარჯიშობს. ფლორიდაში მისი ასეთი ნაადრევი გამოჩენა ნაკრების მთავარი მწვრთნელის, თომას ტუხელის სპეციალურ გეგმას უკავშირდება.
ტუხელმა ფეხბურთელებს მოსთხოვა, მუნდიალის დაწყებამდე ამერიკულ დროის სარტყელსა და ფლორიდის მკაცრ, ტენიან კლიმატს შეგუებოდნენ. სანამ ინგლისის ნაკრების ძირითადი ბირთვი მაიამიში ორშაბათს ჩაფრინდებოდა, რაშფორდმა იქ პირადი მწვრთნელით ინტენსიური სატრენაჟორო და საგოლე ვარჯიშები გამართა. საინტერესოა, რომ მას გვერდს მანჩესტერ იუნაიტედის ეკიპირებაში გამოწყობილი კოლინ ლიტლი უმშვენებდა, რომელიც წლებია რეშფორდს დარტყმების დახვეწაში ეხმარება.
ამერიკული მზადების პარალელურად, რაშფორდის გარშემო სატრანსფერო საგა მძვინვარებს. მან გასული სეზონი იჯარით ბარსელონაში გაატარა, სადაც ლა ლიგა და სუპერთასი მოიგო, დეკომ კი მისი პროფესიონალიზმი შეაქო. თუმცა, კატალონიელები ენტონი გორდონში გადახდილი 80 მილიონის შემდეგ, ფინანსური პრობლემების გამო, რაშფორდის 26-მილიონიანი გამოსასყიდი პუნქტის აქტიურებას აყოვნებენ. ამ ვითარებას ლონდონის არსენალი ყურადღებით აკვირდება და მიკელ არტეტა მზად არის ინგლისელი თავის გუნდში გადაიბიროს.
