თურქეთის საკალათბურთო სუპერლიგის მეექვსე ტურში საქართველოს ეროვნული ნაკრების კალათბურთელის, მარკის რიდის ბაჰჩეშეჰირ კოლეჯი სტუმრად ბორდო ბანდირმას დაუპირისპირდა და 88:103 დამარცხდა.
რიდი სტუმართა შემადგენლობაში ყველაზე შედეგიანი მოთამაშე გახლდათ.
მან მოედანზე გატარებულ 26 წუთსა და 20 წამში 21 ქულა და 3 შედეგიანი გადაცემა დააგროვა. ქართველმა მცველმა 10 ორქულიანიდან 6, ოთხი სამქულიანიდან 2 და სამივე საჯარიმო სროლა ზუსტად შეასრულა.
აღნიშნული მარცხი ბაჰჩეშეჰირ კოლეჯისთვის თურქეთის ჩემპიონატის მიმდინარე სეზონში პირველი აღმოჩნდა.
