VIDEO: მერკვილაძის შესანიშნავი მატჩი - ყველაზე შედეგიანი მოთამაშე

ნიდერლანდებისა და ბელგიის გაერთიანებულ საკალათბურთო ჩემპიონატში (BNXT ლიგა) ალექსანდრე მერკვილაძის დონარ გრონინგენმა სტუმრად ლეიდენი 96:83 დაამარცხა.

ქართველმა კალათბურთელმა ბრწყინვალე მატჩი ჩაატარა და 27 ქულით შეხვედრის ყველაზე შედეგიანი მოთამაშე გახდა.

მერკვილაძემ მოედანზე 33 წუთი და 17 წამი დაყო, რა დროშიც 27 ქულა, 7 მოხსნა და 2 შედეგიანი გადაცემა დააგროვა.

ქართველმა ფორვარდმა 8-დან 5 ორქულიანი, 8-დან 4 სამქულიანი და 9-დან 5 საჯარიმო ჩააგდო. გამარჯვებულთა რიგებში შედეგიანობით მეორე კევონ გოდვინი იყო 20 ქულით.

ამ გამარჯვებით დონარ გრონინგენს BNXT ლიგის მიმდინარე სეზონში ჩატარებული ხუთი მატჩიდან 3 მოგება და 2 მარცხი აქვს.