თურქი ჯადოქარი მადრიდში: არდა გიულერმა ბრუნო ფერნანდეშს გადაასწრო?

არდა გიულერი ევროპის საუკეთესო შემოქმედთა შორის დამკვიდრდა. 

მადრიდის რეალმა ლა ლიგის საჩემპიონო რბოლაში უმნიშვნელოვანესი გამარჯვება მოიპოვა. ალვარო არბელოას გუნდი სელტას ესტუმრა და მძიმე ბრძოლაში, მატჩის მიწურულს მოახერხა ქულების მოპოვება.

ანგარიში მადრიდელებმა ჩუამენის გოლით გახსნეს, რომელსაც ასისტი არდა გიულერმა გაუკეთა. თუმცა, მასპინძლებმა მალევე, 25-ე წუთზე ბორხა იგლესიასის გოლით წონასწორობა აღადგინეს.

VIDEO: ბოლო წუთზე მოპოვებული 3 ქულა — რეალმა ლა ლიგაში გამარჯვების გემო გაიხსენა

გიულერის ფენომენალური სტატისტიკა

თურქი ტალანტის კარიერა რეალში თავიდან ნელა დაიწყო, თუმცა ახლა ის ევროპის ერთ-ერთ ყველაზე გავლენიან ვარსკვლავად იქცა. სელტასთან გაკეთებული საგოლე გადაცემა მისთვის სეზონში მე-15 აღმოჩნდა.

ამ მაჩვენებლით გიულერი მანჩესტერ იუნაიტედის კაპიტანს, ბრუნო ფერნანდეშს გაუთანაბრდა და ევროპის მასშტაბით მხოლოდ მაიკლ ოლისეს (ბაიერნი) ჩამორჩება.

რეალმა გამარჯვების მოპოვება მატჩის ბოლოს დანიშნული პენალტით შეძლო, რომელიც ზუსტად ფედე ვალვერდემ შეასრულა. ამ მოგებით არბელოას გუნდი საჩემპიონო რბოლაში პოზიციებს ინარჩუნებს.