უარი ატლეტიკოს - ლა ლიგის საუკეთესო ბომბარდირი იტალიაში მიდის

ჟირონას ფორვარდი, უკრაინელი არტემ დოვბიკი კარიერას დიდი ალბათობით იტალიურ რომაში გააგრძელებს.

Relevo-ს ინფორმაციით, რომაული კლუბის მფლობელმა, დენ ფრიდკინმა სპორტულ დირექტორს დაავალა, ესპანეთში გაფრინდეს და ტრანსფერი რაც შეიძლება მალე, საუკეთესო პირობებით ჩახუროს.

თავად ფეხბურთელმა რომაულ კლუბს გადასვლაზე თავისი თანხმობა განუცხადა და კლუბებს შორის შეთანხმებაც მაქსიმალურად მოახლოვდა.

რომას პირველი შეთავაზება - 30+5 მილიონი ევრო ჟირონამ უარით გაისტუმრა და სურს, ფეხბურთელის სანაცვლოდ 5 მილიონით მეტი მიიღოს.

დოვბიკის ტრანსფერზე ატლეტიკოც მუშაობდა, თუმცა რომამ უკრაინელს გაცილებით უკეთესი პირობები შესთავაზა.