უდიდესი ალბათობით, ანჩელოტი რეალს მსოფლიო საკლუბო ჩემპიონატის დაწყებამდე დატოვებს

Relevo-ს ინფორმაციით, კარლო ანჩელოტი დიდი ალბათობით რეალს მსოფლიო საკლუბო ჩემპიონატის დაწყებამდე დატოვებს.

იტალიელ მწვრთნელს და ბრაზილიის ფეხბურთის კონფედერაციას შორის მოლაპარაკებები განვითარებულ ეტაპზე იმყოფება და დიდი ალბათობით, კარლო რეალში თავის ბოლო მატჩს ლა ლიგის უკანასკნელ ტურში ჩაატარებს.

თუ იქამდე სიტუაცია შედეგებით არ დაიძაბა, რეალი და ანჩელოტი განშორებას სრული პატივისცემით და მაქსიმალური ურთიერთგაგებით აპირებენ.

ფაბრიციო რომანოს თქმით კი, რეალი ანჩელოტის შეცვლას ჩაბი ალონსოთი აპირებს - ლევერკუზენმა იცის, რომ ბასკი რეალში მუშაობაზე ოცნებობს და მწვრთნელისთვის ხელის შეშლას არ აპირებს. 

მსოფლიო საკლუბო ჩემპიონატი 14 ივნისს დაიწყება და 13 ივლისამდე გაგრძელდება. ამ ტურნირზე მადრიდელებს დიდი ალბათობით უკვე ჩაბი ალონსო გაუძღვება.