UFC-ის ყოფილი ჩემპიონი ტრავმის გამო საკურიერო სერვისში მუშაობს: ''ყველაფერს გავაკეთებ, რაც საჭიროა''
UFC-ის ყოფილმა ჩემპიონმა, ჯესიკა ანდრადემ განაცხადა, რომ იძულებითი პაუზის დროს დამატებით შემოსავალს საკურიერო საქმიანობით იღებს. 34 წლის ბრაზილიელმა მებრძოლმა ბოლო ორთაბრძოლა 2025 წლის აგვისტოში, UFC 319-ზე ჩაატარა, სადაც ზედიზედ მესამე მარცხი იწვნია.
ამის შემდეგ ანდრადეს მხრის მძიმე ტრავმის მკურნალობა მოუწია, რის გამოც ოქტაგონზე ასპარეზობასა და ფულის გამომუშავებას 11 თვეა ვერ ახერხებს. მიუხედავად იმისა, რომ სპორტსმენის თქმით, დანაზოგი აქვს და ფინანსურად არ უჭირს, იგი აპლიკაციის საშუალებით საკვების მიტანის სერვისში მუშაობს და შრომას არ ერიდება. გარდა ამისა, მან მეგობრის ეზოში ხელოვნური ბალახის დაგების პროექტზეც დაიწყო მუშაობა.
საინტერესოა, რომ 2024 წელს ანდრადე ყოფილ მწვრთნელსა და მენეჯერს 2 მილიონი დოლარის მითვისებაში ადანაშაულებდა, თუმცა მოგვიანებით სასამართლოში ჩივილზე უარი თქვა. ბრაზილიელი ლეგენდა იმედოვნებს, რომ ტრავმას მალე მოიშუშებს და ოქტაგონს დაუბრუნდება.
