უიმბლდონზე თურქული ჩოგბურთის ისტორია დაიწერა

უიმბლდონზე, ქალთა თანრიგის მე-2 წრეში თურქი ზეინეფ სიონმეზი ჩინელ შინ ვანგს დაუპირისპირდა და 2 სეტში (7-5, 7-5) დაამარცხა.

სიონმეზი მსოფლიო რეიტინგის 88-ე ნომერია და ის გახდა პირველი თურქი ჩოგბურთელი, რომელიც ღია ეპოქის გრანდ სლემზე ერთეულთა თანრიგის მე-3 რაუნდში გავიდა.

უიმბლდონამდე ზეინეფს გრანდ სლემზე მატჩი მოგებული არ ჰქონდა, ამ კვირაში კი 23 წლის ჩოგბურთელმა 2 შეხვედრის მოგება მოახერხა.

პირველ წრეში სიონმეზმა რუმინელ კრისტიანს ასევე 2 სეტში აჯობა. მომდევნო ეტაპზე თურქი ნიდერლანდელ ლამენსსა და რუს ალექსანდროვას შორის გამარჯვებულს შეხვდება.

Historic moment for Turkish tennis 🇹🇷

World No.88 Zeynep Sonmez is the first player from Turkey to reach the third round in singles at a Grand Slam in the Open Era! #Wimbledon pic.twitter.com/XXW3r2PoPX

— Wimbledon (@Wimbledon) July 3, 2025