უკრაინას საქართველოსთან რამდენიმე ლიდერი არ ეყოლება

ერთა ლიგის გათამაშებისთვის მზადების პროცესში საქართველოს ნაკრების მეტოქეს, უკრაინის ეროვნულ გუნდს საკადრო ცვლილებები აქვს.

როგორც უკრაინელი ჟურნალისტის, იგორ ბურბასის მიერ გავრცელებული ინფორმაციიდან ირკვევა, გუნდის მთავარი მწვრთნელის, ანდრეა მალდერას გადაწყვეტილებით, ნაკრებში კიევის დინამოს 36 წლის გამოცდილი გარემარბი, ანდრეი იარმოლენკო ბრუნდება, რომელსაც ეროვნულ მაისურით 126 მატჩში 47 გოლი აქვს გატანილი.

უკრაინელებს მომავალი მატჩებისთვის რამდენიმე ლიდერი დააკლდებათ. ტრავმის გამო გუნდს ვერ დაეხმარება ტრაბზონსპორის ნახევარმცველი რუსლან მალინოვსკი, რომელიც გამოჯანმრთელების პროცესს აგრძელებს. გარდა ამისა, ტრავმირებულ მიხაილო მუდრიკს პოლონური გურნიკის გარემარბი მაქსიმ ხლანი შეცვლის, ხოლო ივან კალუჟნის ნაცვლად ნაკრებში ინგლისური ლინკოლნის ნახევარმცველ ივან ვარფოლომეევს უხმეს.

თავდასხმის ხაზში უკრაინელებს დანილო სიკანი, მატვეი პონომარენკო, ვლადისლავ ვანატი, რომან იარემჩუკი და არტემ დოვბიკი ეყოლებათ. უკრაინის ნაკრები სექტემბერ-ოქტომბერში ოთხ შეხვედრას გამართავს და უნგრეთს (ორჯერ), ჩრდილოეთ ირლანდიასა და საქართველოს დაუპირისპირდება.