რეალში ფედერიკო ვალვერდეს პოზიციის გამო კონფლიქტური სიტუაცია წარმოიქმნა.
კაირატთან მატჩის (5:0) წინა პრესკონფერენციაზე ურუგვაელმა აღიარა, რომ მარჯვენა მცველად არ უყვარს თამაში:
„ხშირად მეუბნებოდნენ, რომ მარჯვენა მცველად თამაშისთვის არ დავბადებულვარ. სიმართლე გითხრათ, ფლანგზე თამაში დიდად არ მეკომფორტულება."
Radio Marca-ს ჟურნალისტის, ჩავი ტინტოს ცნობით, ალონსომ ურუგვაელი კაირატთან მატჩის თადარიგში სწორედ იმის გამო დატოვა, რომ მან დანი კარვახალისა და ტრენტ ალექსანდრ-არნოლდის არყოფნაში, მარჯვენა მცველად თამაში იუარა.
წყარო ხაზს უსვამს, რომ ვალვერდე გასახურებლად სათადარიგო ფეხბურთელებიდან ბოლო გაეშურა, შემდეგ კი გაბრაზდა და სათადარიგოთა სკამზე დაჯდა. შემდეგ, როცა მისი თანაგუნდელები ვარჯიშებს აკეთებდნენ, ფედერიკომ ხელები ზურგუკან შემოილაგა და უბრალოდ თვალს ადევნებდა, შემდეგ კი, როცა მიხვდა, რომ სათამაშო დროს ვერ მიიღებდა, სკამზე დაჯდა.
ფეხბურთელის ასეთმა ქცევამ თანაგუნდელებს შორის დისკუსიები გამოიწვია, ჯუდ ბელინგემი კი ფედესთან მივიდა და მათ შორის მცირე საუბარიც შედგა.
