"ვერ ვხვდები, რატომ ეშინიათ მსაჯებს ბარსელონას გამარჯვების"

ბარსელონას ფორვარდმა, რაფინიამ, ჩემპიონთა ლიგის მეოთხედფინალიდან ატლეტიკოსთან გამოვარდნის შემდეგ მსაჯები მწვავედ გააკრიტიკა. ბრაზილიელმა, რომელსაც ტრავმის გამო არ უთამაშია, მატჩის შემდეგ ატლეტიკოს გულშემატკივრებს ჟესტიკულაციით მიანიშნა, რომ მათი გუნდი შემდეგი რაუნდიდან აუცილებლად გამოეთიშება.

გარდა ამისა, მან მეტროპოლიტანოს სტადიონზე შეკრებილ პუბლიკას ხელებით მიანიშნა, რომ მისი გუნდი გაძარცვეს. ბარსელონამ სამშაბათს მატჩი 2:1 მოიგო, თუმცა ეს საკმარისი არ აღმოჩნდა გასულ კვირას სახლში განცდილი მარცხის (0:2) ამოსაქაჩად.

რაფინიამ ჟურნალისტებს განუცხადა:

ჩემი აზრით, ეს ძარცვა იყო. არა მხოლოდ ეს მატჩი, არამედ წინა შეხვედრაც. მსაჯობა ძალიან ცუდი იყო, მიღებული გადაწყვეტილებები კი წარმოუდგენელი. მსაჯმა ატლეტიკოს ერთი ყვითელი ბარათიც კი არ აჩვენა. ვერ ვხვდები, რატომ აქვთ მსაჯებს იმის შიში, რომ ბარსელონას გამარჯვება იხილონ.

პირველ შეხვედრაში ბარსელონას პაუ კუბარსი გაუძევეს, სამშაბათს კი 79-ე წუთზე წითელი ბარათი ერიკ გარსიამ მიიღო. კატალონიურმა კლუბმა უეფაში საჩივარიც კი შეიტანა პირველ მატჩში არდანიშნული პენალტის გამო.