ვეტორი: "ყველაფერს ბრძოლაში ვაჩვენებ, საუბარი რომ საუბრად არ დარჩეს"

UFC Fight Night 254-ის წინ მთავარი ბრძოლის მონაწილე მარვინ ვეტორიმ მედია დღეზე სხვადასხვა საკითხზე ისაუბრა.

"სავარჯიშო ადგილი შევიცვალე, რადგან ვიგრძენი, რომ რაღაც განსხვავებული უნდა გამეკეთებინა, ამიტომ დიახ, იგივე მებრძოლი აღარ ვარ. ATT-ში (სავარჯიშო დარბაზი) სახლი ვიპოვე და ბედნიერი ვარ, რომ მათ პირველად წარვადგენ.

აქ დიდი ხანია ვვარჯიშობ და გულწრფელად რომ ვთქვა, საოცარია, საკმაოდ გავიზარდე და ამას ვაჩვენებ, საუბარი რომ საუბრად არ დარჩეს.

ტრავმა? იყო დრო, როცა ვფიქრობდი, დაუბრუნდებოდა თუ არა მხარი ნორმალურ მდგომარეობას. ეს დიდხანს გაიწელა. სხვადასხვა ვარჯიშში ხელს მიშლიდა, მაგრამ ჯიუტად ვაგრძელებდი. სტილის შეცვლაზეც კი ვფიქრობდი."

ვეტორიმ ასევე აღნიშნა, რომ მას ერთი სული აქვს, როდის დაბრუნდება ოქტაგონზე და კონცენტრირებული რეიტინგზე და ტიტულისთვის ბრძოლაზე არ არის, მას უბრალოდ დაბრუნება და ბრძოლა სურს.

დოლიძე: "უფრო მშვიდი უნდა ვიყო - ეს არის მოგების მთავარი გასაღები"