გიორგი გულიაშვილის რასინგ სანტანდერმა, ლა ლიგა 2-ის 37-ე ტურში, მე-12 ადგილოსან სეუტასთან სტუმრად 0:0 ითამაშა.
ქართველმა თავდამსხმელმა ორი გოლი გაიტანა, თუმცა ორივე თამაშგარე მდგომარეობის გამო გაუუქმეს, გარდა ამისა, კიდევ ერთი რეალური შანსი ჰქონდა, როცა ახლო მანძილიდან დარტყმული მეკარემ აუღო.
რასინგს (69 ქულა) 2 ქულამდე მიუახლოვდა ალმერია, რომელმაც ლუკა გაგნიძის გრანადას სტუმრად 4:2 მოუგო (გაგნიძე სათადარიგოთა შორის დარჩა).
სანტანდერელები ლა ლიგაში დაწინაურების პირველი კანდიდატები არიან, თუმცა ამის განმტკიცება ბოლო 5 ტურში სჭირდებათ. 3 მაისს, დასარჩენად მებრძოლ მე-19 ადგილოსან უესკას უმასპინძლებენ.
