VIDEO: 22 წლის შემდეგ პირველად - მაროკო აფრიკის თასის 1/2 ფინალშია

აფრიკის თასის 1/4 ფინალში, ტურნირის მასპინძელმა მაროკომ 5-გზის ჩემპიონ კამერუნს დამაჯერებლად მოუგო და 1/2 ფინალის საგზური მოიპოვა.

მსოფლიო ჩემპიონატის მე-4 ადგილოსნებმა მეტოქეს ბრაიმ დიასისა და პსვ-ს შემტევ ისმაილ საიბარის გოლებით აჯობეს - 2:0.

დიასმა აიუბ ელ ქააბის თავურს მიმართულება შეუცვალა, ტურნირზე მე-5 გოლი შეაგდო და საუკეთესო ბომბარდირია - ყველა კონკურენტს მინიმუმ 2 გოლით უსწრებს. საიბარიმ წლევანდელ გათამაშებაზე პირველი გოლი ჩაიწერა აქტივში.

აღსანიშნავია, რომ მაროკოს ნაკრები აფრიკის თასის 1/2 ფინალში 2004 წლის შემდეგ პირველად გავიდა - მაშინ იმ ტურნირის მასპინძელ ტუნისის ნაკრებთან ფინალში დამარცხდნენ.

ხაზგასასმელია ისიც, რომ მაროკო შესანიშნავ ფორმაშია და უკვე 22-მატჩიანი დაუმარცხებელი სერია აქვს - 20 მოგება, 2 ფრე.

ვალიდ რეგრაგის გუნდის მომდევნო მეტოქე ალჟირისა და ნიგერიის 1/4 ფინალური შეხვედრის შედეგად გაირკვევა.