გერმანიის ბუნდესლიგის 27-ე ტურში დორტმუნდი სიგნალ იდუნა პარკზე ჰამბურგს დაუპირისპირდა.
პირველ ტაიმში უპირატესობა სტუმრებმა მოიპოვეს. მე-19 წუთზე ანგარიში ფილიპ ოტელემ გახსნა, 38-ე წუთზე კი სამბი ლოკონგამ სხვაობა ორამდე გაზარდა.
45-ე წუთზე ფელიქს ნმეჩას ერთი ბურთის გაქვითვა შეეძლო, თუმცა დორტმუნდის მოთამაშემ პენალტი ვერ გამოიყენა და პირველი ნახევარი 0-2 დასრულდა.
73-ე წუთზე ჰამბურგის კარში კიდევ ერთი პენალტი დაინიშნა, რომელიც ამჯერად რამი ბენსებაინიმ შეასრულა ზუსტად და სხვაობა შეამცირა, აქედან 5 წუთში კი სერუ გირასიმ ანგარიში გაათანაბრა.
84-ე წუთზე დორტმუნდს კვლავ მიეცა თერთმეტმეტრიანის დარტყმის საშუალება, რომელიც კვლავ ბენსებაინიმ დაარტყა და დუბლი შეასრულა.
დორტმუნდმა ჰამურგს თამაში 0:2-დან მოუტრიალა და 3 ქულა საოცარ ბრძოლაში მოიპოვა. ბორუსიამ ამ მოგებით 61 ქულა დააგროვა და ბუნდესლიგის ლიდერ ბაიერნს 9 ქულით ჩამორჩება.
ამ მატჩში სტუმართა სათადარიგო სკამზე იყო გიორგი გოჩოლეიშვილი, რომელიც მოედანზე არ გამოსულა.
