VIDEO: ბეტისი ფლორენციაში მინიმალური უპირატესობით მიდის

უეფას კონფერენს ლიგის პირველ ნახევარფინალურ მატჩში ბეტისმა ესტადიო ბენიტო ვილამარინზე ფიორენტინა მიიღო და 2-1 დაამარცხა.

ანგარიში მე-6 წუთზე აბდე ეზალზულიმ გახსნა, 64-ე წუთზე კი სხვაობა ორამდე ანტონიმ გაზარდა.

73-ე წუთზე ერთი ბურთი ლუკა რანიერიმ გაქვითა და მატჩის საბოლოო ანგარიში 2-1 დააფიქსირა.

საპასუხო მატჩის წინ ესპანელებმა მინიმალური უპირატესობა მოიპოვეს, თუმცა ფინალისტის ვინაობა მაინც ფლორენციულ შეხვედრაში გაირკვევა, რომელიც 8 მაისს შედგება.

6' ეზალზული 1-0

64' ანტონი 2-0

73' რანიერი 2-1