ვიდეო: ბითაძის 6 ქულა - მეჯიქმა უორიორსთან წააგო

NBA-ს რეგულარული სეზონის მატჩში ორლანდო მეჯიქი გოლდენ სტეიტ უორიორსს დაუპირისპირდა და 104-99 დამარცხდა.

სასტარტო ხუთეულში იყო გოგა ბითაძე, რომელმაც 20 წუთი ითამაშა და ამ დროში 6 ქულა, 14 მოხსნა, 1 შედეგიანი გადაცემა და 1 დაფარება დააგროვა.

გამარჯვებულ გუნდს ენდრიუ უიგინსმა (25 ქულა) და სტეფ კარიმ (24 ქულა) ულიდერეს.

ორლანდო 51 მატჩში 24 გამარჯვებით აღმოსავლეთ კონფერენციაში მე-8 ადგილზეა, გოლდენი კი 49 შეხვედრაში 25 მოგებით დასავლეთში მე-10 პოზიციას იკავებს.