VIDEO: ბრაზილია ქალთა კოპა ამერიკის გამარჯვებულია - მარტა საუკეთესო გახდა

ეკვადორის დედაქალაქ კიტოში ქალთა კოპა ამერიკას ფინალი გაიმართა.

გადამწყვეტ მატჩში ერთმანეთს კოლუმბიისა და ბრაზილიის ნაკრებები დაუპირისპირდნენ. შეხვედრა უხვგოლიანი გამოდგა.

მატჩის ძირითადი დრო 3-3 დასრულდა. კომპენსირებული დროის მე-6 წუთზე (90+6') ლეგენდარულმა ბრაზილიელმა მარტამ ანგარიში გაათანაბრა და თამაში დამატებით ტაიმებში გადაიყვანა.

105-ე წუთზე მარტამ უკვე დუბლი შეასრულა და ბრაზილია გამარჯვებასთან ახლოს იყო, თუმცა 115-ე წუთზე კოლუმბიელებმა წონასწორობა აღადგინეს და პენალტების სერია დაინიშნა.

პენალტების სერიაში ბრაზილიამ 4-5 იმარჯვა და კოპა ამერიკას გამარჯვებული გახდა.

ბრაზილიამ სამხრეთ ამერიკის ქალთა ჩემპიონატი ზედიზედ მეხუთედ მოიგო. ტურნირის საუკეთესო ფეხბურთელად კი ლეგენდარული მარტა დასახელდა.