ბრაზილიის ნაკრების მთავარმა მწვრთნელმა, კარლო ანჩელოტიმ, ნეიმართან მსოფლიო ჩემპიონატზე მის გამოძახებასთან დაკავშირებით დეტალები განიხილა.
სანტოსის 34 წლის ფორვარდი ბრაზილიის ნაკრების საბოლოო შემადგენლობაში მოხვდა, რომელიც ზაფხულის ტურნირზე გაემგზავრება.
Globo Esporte-ს ინფორმაციით, გასულ ხუთშაბათს ვიდეოზარი შედგა, რომლის დროსაც ანჩელოტიმ ნეიმარს ნაკრებში დაბრუნების პირობები წაუყენა.
ვრცელდება ინფორმაცია, რომ მწვრთნელმა თავდამსხმელს მკაფიოდ აცნობა, რომ ის არ იქნება ძირითადი შემადგენლობის მოთამაშე და მითუმეტეს კაპიტანი. მას მოუწევს, მოიქცეს სრულიად განსხვავებულად, ვიდრე ამას ნაკრებში წინა ყოფნის დროს აკეთებდა.
ნეიმარს ზუსტად ისე მოეპყრობიან, როგორც ნაკრებში გამოძახებულ ნებისმიერ სხვა ფეხბურთელს.
გარდა ამისა, მისი სტატუსის ცვლილების ხაზგასასმელად, ნეიმარს მოუწევს, რომ მე-10 ნომრიანი მაისური მის ამჟამინდელ მფლობელს, ვინი ჟუნიორს დაუტოვოს.
როგორც ირკვევა, ნეიმარმა ყველა აღნიშნული პირობა მიიღო და მზად არის, შესაბამის ცვლილებებს დაემორჩილოს.
