გიორგი კვერნაძის ფროზინონემ, სერია B-ს 34-ე ტურში, ფილიპო ინძაგის გაწვრთნილ პალერმოსთან შინ 1:1 ითამაშა.
ფროზინონე და პალერმო, სერია A-ში დაწინაურებისთვის ბრძოლაში, კონკურენტები არიან და ურთიერთშეხვედრას დიდი მნიშვნელობა ჰქონდა. მასპინძლები ლამაზი ჯარიმით დაწინაურდნენ, თუმცა სიცილიელებმა ბოლო წუთებზე გაათანაბრეს.
კვერნაძის სტატისტიკა ასეთია - ბურთს 51-ჯერ შეეხო, კარისკენ 4-ჯერ დაარტყა, 7-დან 2 წარმატებული დრიბლინგი ჰქონდა, 1 საკვანძო პასი გააკეთა, 1-დან 1 წარმატებული ჩაწოდება შეასრულა, 24-დან 13 პასი გააკეთა ზუსტად, 21-დან 8 ორთაბრძოლა მოიგო (მათგან 6-დან 2 საჰაერო), 3-დან 1 წარმატებული ვარდნა შეასრულა, 10-ჯერ ბურთი მოიპოვა.
სერია B-ს 34-ე ტურის გახსნითი თამაში იყო, ამჟამად ცხრილში ვენეცია ლიდერობს - 71 ქულა, ფროზინონე მეორეზეა - 69 ქულა, მონცა - 66 ქულა, პალერმო - 65 ქულა.
ცნობისთვის, სერია A-ში საუკეთესო 2 გუნდი პირდაპირ დაწინაურდება, მესამე-მერვე ადგილზე გასულები კი 1 საგზურს პლეი-ოფის მეშვეობით გაითამაშებენ.
ქართველის გუნდი მომდევნო ტურში, 18 აპრილს, მე-6 ადგილოსან მოდენას სტუმრად ხვდება.
