ინგლისის პრემიერ ლიგის 32-ე ტურში ლივერპულმა ენფილდზე ვესტ ჰემი მიიღო და 2-1 დაამარცხა.
ანგარიში მე-18 წუთზე მოჰამედ სალაჰის პასის შემდეგ ლუის დიასმა გახსნა, მასპინძლებმა პირველი ტაიმი 1-0 მოიგეს.
86-ე წუთზე ენდი რობერტსონის ავტოგოლის შემდეგ ანგარიში გათანაბრდა, თუმცა ლივერპულმა 3 ქულის მოპოვება მაინც შეძლო.
89-ე წუთზე გამარჯვების გოლი ალექსის მაკ ალისტერის კუთხურიდან ჩაწოდების შემდეგ ვირჯილ ვან დაიკმა გაიტანა.
არნე სლოტის გუნდი 76 ქულით სატურნირო ცხრილს დამაჯერებლად ლიდერობს და არსენალს უკვე 13 ქულით უსწრებს.
ამ მონაცემებით ლივერპულს ჩემპიონობისთვის 2 გამარჯვება სჭირდება.
18' დიასი 1-0
86' რობერტსონი (ავტოგოლი) 1-1
89' ვან დაიკი 2-1
