VIDEO: დაძაბულ ბრძოლაში - შერმადინის გუნდმა ჩემპიონთა ლიგაზე მე-2 მატჩიც მოიგო
29 იან, 2026 · 0 წთ წასაკითხად
-
Aa
+
ფონტის ზომა
გიორგი შერმადინის ტენერიფემ ჩემპიონთა ლიგის გამარჯვებულთა ეტაპის ჯგუფში მე-2 ტურის შეხვედრაც მოიგო და ერთპიროვნული ლიდერია.
კანარიელებმა იტალიურ ტრიესტეს 2-ქულიანი სხვაობით, 84:82 აჯობეს. შერმადინმა პარკეტზე 20:17 წუთი გაატარა და საკუთარ გუნდს 11 ქულა, 6 მოხსნა, 1 ასისტი შეჰმატა.
2 ტურის შემდეგ, ტენერიფეს 2 მოგება აქვს და ტრიესტესა და გრან განარიას 1-1 გამარჯვებით უსწრებს. 6-ტურიანი ბრძოლის შედეგად, მომდევნო ეტაპზე ჯგუფის საუკეთესო 2 გუნდი გავა და ტიტულისთვის ბრძოლას 1/4 ფინალიდან გააგრძელებს.
შერმადინის გუნდი ჩემპიონთა ლიგის მომდევნო ტურში, 4 თებერვალს, გრან განარიას ესტუმრება.
