VIDEO: დასანანი მარცხი - ორლანდომ შინ სან ანტონიოსთან წააგო
2 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
გოგა ბითაძის ორლანდო მეჯიქმა 3-მატჩიანი მოგებათა სერია სან ანტონიო სპერსთან შეწყვიტა - საკუთარ დარბაზში 112:114 დამარცხდნენ.
შეხვედრის საუკეთესო მოთამაშე სპერსის გამთამაშებელი დე'აარონ ფოქსი (31 ქულა, 5 მოხსნა, 5 ასისტი) გახლდათ, ორლანდოელთა მხრიდან კი ფრანც ვაგნერი (25 ქულა, 4 მოხსნა, 6 ასისტი) და ჯეილენ საგსი (24 ქულა, 4 მოხსნა, 4 ასისტი) გამოირჩნენ.
გოგამ 19:42 წუთი ითამაშა - 8 ქულა, 5 მოხსნა, 2 ასისტი. სროლების 100%-იანი სიზუსტე ჰქონდა - 4-დან 4 ორქულიანი ჩააგდო. 1-1 ჩაჭრა და ბლოკი მიითვალა, ბურთი კი 2-ჯერ დაკარგა.
22 მატჩის შემდეგ, ჯამალ მოზლის გუნდს 13 მოგება აქვს და აღმოსავლეთ კონფერენციის მე-5 ადგილზე იმყოფება, ლიდერ დეტროიტთან სხვაობა 4 მოგებაა.
მომდევნო თამაშს, 6 დეკემბრის 04:00 საათზე, ისევ თავიანთ დარბაზში, ერთ-ერთ კონკურენტ და კონფერენციაში მათზე 1 ადგილით ზემოთ მყოფ მაიამი ჰიტთან ჩაატარებენ.
