ლეიკერსმა სასტარტო ხუთეულისა და ძირითადი როტაციის კალათბურთელების მოედანზე ყოფნის პერიოდში სოლიდური უპირატესობა მოიპოვა, თუმცა მატჩის დასკვნით მონაკვეთში სხვაობა მნიშვნელოვნად შემცირდა.
საბოლოოდ, ანგარიში გაცილებით დაძაბულ შეხვედრაზე მიუთითებდა, ვიდრე რეალურად იყო.
მთელი მატჩის განმავლობაში ორივე გუნდი არაერთ შეცდომას უშვებდა. ჯამში მათ ბურთი 50-ჯერ დაკარგეს. ლეიკერსს პრობლემები ჰქონდა მოხსნებშიც, მეტოქეს შეტევაში 20 მოხსნის საშუალება მისცა.
ამის კომპენსირება ლოს ანჯელესელებმა საჯარიმო სროლებით მოახერხეს, გუნდმა საჯარიმოს ხაზიდან სროლის უფლება 38-ჯერ მოიპოვა.
ლეიკერსის რიგებში ყველაზე შედეგიანი ლუკა დონჩიჩი იყო, რომელმაც 25 წუთში 23 ქულა ჩააგდო. ოსტინ რივზმა შეხვედრა 8 ქულით, 8 შედეგიანი გადაცემითა და 6 მოხსნით დაასრულა.
სათადარიგოთა სკამიდან თამაშში ჩართულმა სანდრო მამუკელაშვილმა 21 წუთში 19 ქულა, 3 მოხსნა და 4 შედეგიანი გადაცემა მოაგროვა.
ქართველმა 10-დან 7 ბურთი ჩააგდო - 4-დან 4 ორქულიანი და 6-დან 3 სამქულიანი, მისი 2 საჯარიმოდან კი ორივე ზუსტი იყო.
ჯეიკ ლარავიამ კი 14 ქულა, 3 მოხსნა და 2 შედეგიანი გადაცემა მიითვალა. ადუ ტიერომ 6 ქულა ჩააგდო, ხოლო კვენტინ გრაიმსმა შეხვედრა 12 ქულით დაასრულა.
ლეიკერსი მომდევნო შეხვედრას ოთხშაბათს, ლას-ვეგასში, გოლდენ სტეიტ უორიორსის წინააღმდეგ გამართავს.
Sandro Mamukelashvili vs Kings : 19 PTS 7-10 FG (70%) 3-6 3PT (50%) 3 REB 4 AST 1 STL 1 BLK +13 +/- Mamu just continues to shine in this pre season for the Lakers. He is such a multi tool type of player, does a little bit of everything on the offensive end which will help so much when Doncic and Austin Reaves are not on the floor
