VIDEO: დრამატული ფინიში - ევერტონმა მანჩესტერს ქულები აართვა
2 სთ წინ · 0 წთ წასაკითხად
-
Aa
+
ფონტის ზომა
ინგლისის პრემიერ ლიგის მე-3 ტურში ევერტონმა ჰილ დიკინსონ სთედიუმზე მანჩესტერ იუნაიტედი მიიღო.
შეხვედრის პირველი ტაიმი უგოლოდ დასრულდა, მეორე ტაიმი კი უხვგოლიანი და დრამატული გამოდგა.
46-ე წუთზე სტუმართა მხრიდან ანგარიში ბრაიან მბიუმომ გახსნა, რომელმაც გოლი ზედიზედ მე-2 მატჩში გაიტანა. 83-ე წუთზე მარჯვენა ფლანგიდან საჯარიმოში შესულმა ტაირიკ ჯორჯმა უძლიერესი დარტყმით ანგარიში გაათანაბრა.
88-ე წუთზე, ლუკ შოუს საჯარიმოში ჩაწოდების შემდეგ, ბენიამინ შეშკომ თავური დარტყმით ჯორდან პიკფორდის კარი აიღო და მანჩესტერ იუნაიტედი გამარჯვებასთან ახლოს იყო.
თუმცა კომპენსირებული დროის ბოლო წუთზე ეინსლი მეტლანდ-ნაილსმა შორეული გასროლით წონასწორობა აღადგინა და ევერტონს ქულა გადაურჩინა.
პრემიერ ლიგის ახალ სეზონში ჩატარებული 3 მატჩის შემდეგ ევერტონი კვლავ დაუმარცხებელია და 5 ქულა აქვს, მანჩესტერი კი 4 ქულით ამ მომენტში მე-11 ადგილზეა.
მერსისაიდელები მომდევნო ტურში ტოტენჰემს ესტუმრებიან, იუნაიტედი კი ოლდ ტრაფორდზე მანჩესტერულ დერბიში სიტის მიღებს.
