VIDEO: გამარჯვება ბოლო წუთზე - ატლეტიკომ ინტერი დაამარცხა

უეფას ჩემპიონთა ლიგის მე-5 ტურში ატლეტიკომ მეტროპოლიტანოზე ინტერს უმასპინძლა.

შეხვედრაში ანგარიში მადრიდელებმა გახსნეს. მე-9 წუთზე გოლი ხულიან ალვარესმა გაიტანა. ალექს ბაენას მხრიდან ეჭვი იყო ხელით თამაშზე, თუმცა მსაჯმა გოლის ჩათვლის გადაწყვეტილება მიიღო.

54-ე წუთზე კარგად გათამაშებული კომბინაციის შემდეგ პიოტრ ჟელინსკიმ ანგარიში გაათანაბრა.

თითქოს ყველაფერი მატჩის ფრედ დასრულებისკენ მიდიოდა, თუმცა კომპენსირებულ დროში ანტუან გრიზმანის ჩაწოდებული კუთხურის შემდეგ ხოსე მარია ხიმენესმა თავური დარტყმით გამარჯვების გოლი გაიტანა და ატლეტიკოს 3 ქულა მოუტანა.

დიეგო სიმეონეს გუნდს ამ მოგებით 9 ქულა დაუგროვდა და ცხრილში მე-12 ადგილზეა, ინტერმა კი 4 მოგების შემდეგ პირველი მატჩი წააგო და 5 ტურის შემდეგ მე-4 პოზიციას იკავებს.

9' ალვარესი 1-0

54' ჟელინსკი 1-1

90+3' ხიმენესი 2-1