VIDEO: გასვლითი გამარჯვება ჩემპიონთან - ტორონტომ ოკლაჰომას 2 ქულით მოუგო
7 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
სანდრო მამუკელაშვილის ტორონტო რეპტორსმა NBA-ის გასული წლის ჩემპიონ ოკლაჰომა სითი თანდერს გასვლით შეხვედრაში 2-ქულიანი სხვაობით მოუგო - 103:101.
გადამწყვეტ მეოთხედში ოკლაჰომა 6 ქულით დაწინაურდა, თუმცა რეპტორსმა ბოლო წუთები მასზე უკეთესად ჩაატარა და მნიშვნელოვანი გამარჯვება მოიპოვა.
მეორე მხრივ, ოკლაჰომამ სეზონში მე-10 მარცხი იწვნია, რაც ორივე კონფერენციაში ყველაზე დაბალი მაჩვენებელია.
მატჩის ყველაზე შედეგიანი მოთამაშე გასული სეზონის MVP, შეი გილჯეს-ალექსანდერი გახდა - 24 ქულა, 3 მოხსნა, 6 ასისტი. ტორონტოელთა მხრიდან კი იმანუელ ქვიქლიმ (23 ქულა, 11 მოხსნა, 2 ასისტი) და სკოტი ბერნსმა (10 ქულა, 11 მოხსნა, 8 ასისტი) ორმაგი დუბლები შეასრულეს.
რაც შეეხება სანდროს, კვლავ კანადელთა ძირითად ხუთეულში იყო და პარკეტზე 31:34 წუთი გაატარა, საკუთარ გუნდს კი 10 ქულა, 5 მოხსნა, 3 ასისტი შესძინა. 1 ჩაჭრა, 1 ბლოკი და 1 დაკარგვაც ჰქონდა.
48 მატჩის შემდეგ, ტორონტოს 29 გამარჯვება და 19 მარცხი აქვს, რითაც აღმოსავლეთ კონფერენციის მე-3 პოზიციაზე აინაცვლა და მე-2 ადგილოსან ბოსტონამდეც სულ მცირედი აშორებს - 1 მოგებით მეტი აქვს, მაგრამ 3-ით მეტი თამაში ჩაატარა.
29 იანვრის 04:30 საათზე, რეპტორსი უკვე საკუთარ დარბაზში მიიღებს ნიუ იორკ ნიქსს, რომელიც მისი უშუალო კონკურენტია და ერთით ქვედა პოზიციაზე იმყოფება.
