VIDEO: გოგამ 12 წუთი ითამაშა - ორლანდო ატლანტასთან დამარცხდა

NBA-ის რეგულარულის მე-8 მატჩში, ორლანდო მეჯიქი სტუმრად ატლანტა ჰოუქსთან დამარცხდა - 112:127. გოგა ბითაძემ პარკეტზე 12:54 წუთი გაატარა.

ქართველმა 4 ქულა, 2 მოხსნა და 2 ასისტი მიითვალა. შეხვედრის ყველაზე შედეგიანი მოთამაშე მისივე თანაგუნდელი პაოლო ბანკერო გახლდათ, რომელსაც სამმაგ დუბლამდე 2 ასისტი დააკლდა - 22 ქულა, 11 მოხსნა და 8 ასისტი.

ორლანდომ 8 მატჩში მეხუთედ წააგო და აღმოსავლეთ კონფერენციის მე-12 ადგილზე იმყოფება. მომდევნო თამაშს, 8 ნოემბრის 04:00 საათზე, ბოსტონის წინააღმდეგ საკუთარ დარბაზში ჩაატარებს.