VIDEO: ჰაიდენჰაიმმა მოიგო - სამი გუნდის ბრძოლა გადარჩენისთვის

გერმანიის ბუნდესლიგის 33-ე ტურში ბუდუ ზივზივაძის ჰაიდენჰაიმი კიოლნს ესტუმრა და 1-3 დაამარცხა.

ქართველი თავდამსხმელი სასტარტო შემადგენლობაში იყო და მოედანზე 84 წუთი გაატარა, 37-ე წუთზე კი ყვითელი ბარათი მიიღო. ჰაიდენჰაიმმა მნიშვნელოვანი 3 ქულა მოიპოვა და ბოლო ტურის წინ ბუნდესლიგაში დარჩენის შანსი დაიტოვა.

გადამწყვეტი მატჩების წინ გადარჩენისთვის მებრძოლ ერთდროულად სამ გუნდს აქვს ერთნაირი რაოდენობის ქულები, აქედან ორი კი ბოლო ტურში ერთმანეთს დაუპირისპირდება.

16. ვოლფსბურგი - 26 ქულა, ბურთები -26 (პლეიაუტის ზონა)

17. ჰაიდენჰაიმი - 26 ქულა, ბურთები -29 (გასავარდნი ზონა)

18. ზანკტ პაული - 26 ქულა, ბურთები -29 (გასავარდნი ზონა)

ბოლო ტურში ზანკტ პაული საკუთარ მოედანზე ვოლფსბურგს მიიღებს, ჰაიდენჰაიმი კი უმოტივაციო მაინცს უმასპინძლებს. მატჩები 16 მაისს გაიმართება.

თანაბარი ქულების დაგროვების შემთხვევაში უპირატესობა ბურთების უკეთესი ბალანსის მქონე გუნდს მიენიჭება, ამ მონაცემებით კი ასეთი ვოლფსბურგია.