VIDEO: კლასიკოში რეალი სტუმრად დაამარცხეს - შენგელიას ბარსამ ზედიზედ მე-8 ტურში მოიგო

თორნიკე შენგელიას ბარსელონამ რეალ მადრიდთან სტუმრად გამართული ელ კლასიკო მოიგო - 105:100.

კატალონიელებმა თავად ჩემპიონატში ზედიზედ მე-8 თამაში მოიგეს, რეალს კი 12 ოქტომბრის შემდეგ პირველი მარცხი აგემეს და 11-მატჩიანი წაუგებელი სერია დაუსრულეს.

შენგელია, რომელიც პარკეტზე 3-კვირიანი პაუზის შემდეგ 2 იანვარს დაბრუნდა, რეალთან შეხვედრაში სკამიდან ჩაერთო და ჯამში 19:20 წუთი ითამაშა - 8 ქულა, 2 მოხსნა, 1 ასისტი. 

14 ტურის შემდეგ, ბარსას 10 მოგება აქვს, მე-4 ადგილზეა და ლიდერ რეალთან სხვაობა 2 მოგებამდე შეამცირა.