VIDEO: ლაშა გურულმა მსოფლიო ჩემპიონატზე მეორე ბრძოლაც მოიგო
09 სექ, 2025 · 0 წთ წასაკითხად
-
Aa
+
ფონტის ზომა
ინგლისის ქალაქ ლივერპულში კრივის მსოფლიო ჩემპიონატი მიმდინარეობს.
ლაშა გურულმა პირველ ბრძოლაში საუდის არაბეთის წარმომადგენელი მუშა ალჰავსავი მსაჯთა ერთსულოვანი გადაწყვეტილებით დაამარცხა.
ქართველმა მოკრივემ ტურნირზე თავის მეორე ბრძოლაში ირლანდიელი მეტოქე, დინ ქლენსი დაამარცხა და -65 კგ. კატეგორიაში მსოფლიოს ჩემპიონობისთვის ბრძოლას განაგრძობს.
ოლიმპიური ჩემპიონი და ლაშა გურულის პოტენციური მეტოქე ფინალში - კუბელი ერისლანდი ალვარეს ბორხესი ყირგიზ მეტოქეს დაუპირისპირდა და გაიმარჯვა კიდეც.
ქართველი მოკრივე 1/4 ფინალში ინდოელ აბინაშ ჯამვალს დაუპირისპირდება. ბრძოლა 10 სექტემბერს გაიმართება.
-85 კგ. წონით კატეგორიაში ბრძოლას მსოფლიოს ჩემპიონობისთვის აგრძელებს გიორგი ყუშიტაშვილი, რომელმაც ხორვატი პეტარ ლეშკური და ყაზახი ბეკზად ნურდაულეტოვი დაამარცხა და 1/4 ფინალში გავიდა.
კრივის მსოფლიო ჩემპიონატი 14 სექტემბრამდე გაგრძელდება.
