VIDEO: მამარდას მშრალი კარი რეალთან - ლივერპულმა მინიმალური ანგარიშით მოიგო

გიორგი მამარდაშვილმა ჩემპიონთა ლიგაზე მადრიდის რეალის წინააღმდეგ კარი მშრალად შეინახა და მისმა გუნდმა 1:0 მოიგო. ლივერპულისგან გოლი ალექსის მაკ ალისტერმა შეაგდო.

მამარდამ ლივერის ძირითად შემადგენლობაში მე-9 შეხვედრა ჩაატარა და სამეფო კლუბის წინააღმდეგ 2 სეივი ჰქონდა. განსაკუთრებით გამოსარჩებია ის მომენტი, როცა ჯუდ ბელინგემს დაბალ კუთხეში დარტყმული ფეხით აუღო.

ქართველ მეკარეს FlashScore-მა 6.9 დაუწერა, SofaScore-მა - 6.7, ხოლო WhoScored-მა - 6.6. 

აღსანიშნავია, რომ მამარდაშვილმა ზედიზედ მეორე მატჩში შეინახა კარი მშრალად - პრემიერ ლიგაში ასტონ ვილასთან არ გაუშვა.

ისიც ვთქვათ, რომ მამარდას რეალის წინააღმდეგ უკვე 8 თამაში აქვს ჩატარებული (6 ლა ლიგაში, 1 ესპანეთის სუპერთასზე და ერთიც ჩემპიონთა ლიგაზე) - 2 მოიგო, ერთხელ ფრედ ითამაშა და 4-ჯერ დამარცხდა. ამ 8 შეხვედრაში ქართველმა 13 გოლი გაუშვა და კარის შრალად შენახვა 2-ჯერ მოახერხა. ენფილდამდე, ბოლო თამაშში მისმა ვალენსიამ სანტიაგო ბერნაბეუზე 2:1 მოიგო, თავად კი ვინისიუსს პენალტი აუღო და მატჩის საუკეთესო ფეხბურთელად დაასახელეს. 

ჩემპიონთა ლიგის 4 ტურის შემდეგ, ლივერპულმა 9 ქულა მოაგროვა და, უდანაკარგო ლიდერებს, ბაიერნსა და არსენალს 3 ქულით ჩამორჩება. მომდევნო ტურში პსვ-ს უმასპინძლებს - 26 ნოემბერს.